Pāriet uz galveno saturu
#UpītieDzeiveJauka
  • Suokums
  • Jaunumi
  • Pa Pāduom
  • Meistari
    • Aija Korneja
    • Anna Keiša
    • Annele Slišāne
    • Elīna Zelča
    • Helēna Šakina
    • Irēna Romka
    • Lienīte Slišāne
    • Ligita Spridzāne
    • Līga Logina
    • Līvija Supe
    • Lolita Spridzāne
    • Malvina Romka
    • Mārīte Slišāne
    • Oskars Supe
    • Ramona Korneja
    • Renārs Kornejs
    • Valentīna Keiša
  • Meklejam Meistaru
  • Puosakas
  • Skolas Soma
  • Gūdi
  • Veikals
  • Muzejs
  • Sapņi
  • Par myusīm
  • Kontakti

Upītes Uobeļduorzs 2019

13. septembris, 2019 pl. 16:53, Nav komentāru

21. septembrī jau ostoņpadsmitū reizi, svietejūt simbolisku pylngadeibu, Viļakas nūvoda Upītē nūtiks vacuokais latgalīšu muzykas i aiļu festivals “Upītes Uobeļduorzs”, kuru itūgod vadeis komikis Juoņs Skuteļs, bet tymā pīsadaleis kai latgalīšu muziki, tai literati – “Dabasu Durovys”, “Unknown Artist”, “Napruots”, “Gandreiž 10nīkā”, “Trešīs Ņutona lykums”, “Žvūrgzdyni”, Ilze Sperga, Anna Rancāne, Ligija Purinaša i cyti. Ituo goda festivala eipašais gosts byus grupa “Linga”.

 

“Upītes Uobeļduorzs” ir vīneigais festivals, kurš namaineigi kotru godu puļcej latgalīšu literatus i muziķus, īpazeistynojūt kai ar jaunim vuordim latgalīšu kulturā, tai aicynojūt latgalīšu muzyku i literaturu atkluot kotram interesentam. Naiztryukstūša festivala tradiceja ir ari kaids eipašais gosts – festivalā uzastuojs gon Renārs Kaupers, gon aktrise Zane Jančevska, gon dzīsminīks Kārlis Kazāks, grupys “Inokentijs Mārpls”, “Gain Fast” i cyti gosti. Itūgod festivala vadeišona uzticāta komikim Juoņam Skuteļam, kurs pats ari īt nu Latgolas, bet eipašūs gostu gūdā itūreiz byus grupa “Linga”.

Pylngadeibys festivalā “Upītes Uobeļduorzs” 21. septembrī itūreiz uzastuos muziki i grupas: “Dabasu Durovys”, folkloras kūpa “Upīte”, “Gandreiž 10nīkā”, “Trešīs Ņutona lykums”, Vinsents Kūkojs, “Unknown Artist”, “Kei-Rei”, “Žvūrgzdyni”, Rihards Krilovs, Saļņovas kapela i Santa Savicka-Drozdova, bet literari prīcēs Mārīte Slišāne, Ligija Purinaša, Karonhisake, Mārīte Bikovska, Ilze Sperga, Ineta Atpile-Jugane, Līvija Liepdruviete, Anna Rancāne i Dagneja.

Meilas aiļu i dzīšmu festivala “Upītes Uobeļduorzs” aizsuokums meklejams 2002. godā, i tys ir vacuokais da ituo nūteikūšais latgalīšu festivals pasaulī. Pasuokuma idejas autors ir latgalīšu literats, nūvodpietnīks Ontons Slišāns, kurš sovulaik īsadūmuoja sataiseit sovpateigu dzejas dīnom veļteitu festivalu, kab popularizātu i saglobuotu latgalīšu volūdu. Pošu reizi festivala organiziešonu turpynoj Ontona dāls Andris Slišāns ar saimi, saglobojūt festivalu kai kasgadeju latgalīšu sasatikšonas reizi, kurā skaņ latgalīšu volūda. Pyrma diveju godu topa ari jauna festivala “Upītes Uobeļduorzs” himnas verseja, kuras īrokstā pīsadaleja vairuoki Latvejā populari muziki – Māra Upmane-Holšteine, Renārs Kaupers, Kaspars Zlidnis, Guntis Rasims, Kristaps Rasims, Guntra Kuzmina-Jukna i Arnis Slobožanins. Himnas video versija nūsaverama ite: https://youtu.be/5VePltDJ_YY.

Atsaverūt iz aizvadeitajim niu jau ostoņpadsmit festivala godim, “Upītes Uobeļduorzs” reikuotuojs Andris Slišāns soka: “Verūtīs iz “Upītes Uobeļduorza” 18 godim, ir paspiejuse izaugt paaudze, kas cytuoži navar īsadūmuot septembri bez festivala, bez dzejas i dzīsmem latgaliski. Prīcej, ka dzejnīka Ontona Slišāna izsapņuotais sapyns ir dzeivs, aug lyls i šūgod palīk “pīaudzs”. Kotru godu kuods breinums nūteik i mest tū breinumu rodam.”

Festivala īejis beleti byus nūpārkami iz vītas pyrma nūtikšonas 21. septembrī, suokums 19.00. Beletu cena nu 18.40 leidz 19.00 byus 3,00 €, bet piečuok 5,00 €. “Upītes Uobeļduorzs” reikuotuojs ir Namaterialuos kulturas montuojuma centrs “Upīte”.

Festivala nūtikšonu atbolsta Vaļsts kulturkapitala fonds, Viļakas nūvoda dūme, ZS “Kotiņi”, SIA “Dolo”, SIA “Advors”, Zīmeļlatgolas laikroksts “Vaduguns”, latgalīšu kulturas ziņu portals lakuga.lv i “Anneles zeme”.

Nav komentāru

Komentēt







Jaunākie ieraksti

  • 21. septembrie sazateikam Upītes Uobeļduorzā
    17. sept. 2024
  • #FKUpīte - Marička
    21. febr. 2024
  • Gūdi 2023
    16. febr. 2024
  • Glauns aicynojums iz Gūdīm
    16. febr. 2024
  • Meklejam DONCUOTOJUS
    15. febr. 2024
  • Ballīte par breivību
    15. febr. 2024
  • BezPVN speckoncerts Upītie
    15. febr. 2024

Pirkumu grozs

Pirkumu grozs ir tukšs.

Log in




Forgot password?
Create account
Login to existing account
My orders
My reviews
My details
Log out