Malvina Romka

Malvina Romka. Dz. 1932.godie 16.oktobrie Mukaušovas cīmā. Audeja, rūkdorbnīce. Ir muocejusies Upītes 4-gadeigajā školā, tod Rekovas 7-gadeigejā školā. Aust īzamuocejuos pi sovas mammas. Ir struodovuse “Daiļradie” par audeju.

Ar sovim dorbim 1980.godā ir pīzadalejuse tautas lītiškuos muokslas izstuodie Reigā, par kū ir ari Gūda roksts.

20.gs. 80.godu beiguos Upītes bibliotekā kūpā ar Irēnu Slišāni īkuortova aužamūs stuovus i muoceja školānus aust rūžcelini.

2020.goda augustā Upītie nūtyka Tekstilmuokslenīku simpozijs. Simpozija daleibnīki īzapazyna ar Upītes puses kultūrviesturiskū montojumu, tymā skaitā ari ar Malvinas darynuotū pyuru: austejīm dečīm, goldautīm, dvīļīm, greidasdečīm i gultasmaisīm, izšyutejuom sedziņuom, goldautīm i spilvanīm (poduškuom), adātejīm kulaiņīm, pierstenīkīm i zečiem, kuo ari tamburietuos dvīļu i pologu kvarbatkas, goldautus i sedzines.

Malvinas Romkas pyurs, apskota Tekstilmuokslas simpozija daleibnīkī, 2020. goda augusts

Roksts īvītuots 2021. goda decembrie