#FKUpīte Baltkrīvejā
29. oktobris, 2019 pl. 1:34,
Nav komentāru
25. i 26.oktobrie folkloras kūpas “Upīte” muzikanti un dzīduotoji devuos iz Baltkrīveju.
Baltkrīvejā Rassonu pilsātā nūtyka Vitebskas apgobola etnografiskū ansambļu kuozu dzīsmu,
iedīnu i tautastārpu konkurss, kur pīzadaleja vairuok kuo 20 ansambļi.
Upīte konkursā beja uzaicynuota, kuo eipašī gosti, jū kūpai ir nasen izguojs kuozu dzīsmu albums "Ryugts".
Konkursa apmārs beja cīši puorsteidzūšs. Pylsātas lylīs kulturas noms beja pylns
ar
daudzejīm etnografiskejīm ansambļim, vīns par ūtru šmukuoki. Kotrs ansamblis beja
sagatavejs jūs puses tradicionalū kuozu iedīnu. Dzīsmes, danči, smīkli i jautrība
vusas dīnas garumā.
Bloukus esūšejā muzikas i muokslas školā tyka reikuotas meistardarbnīcas, kuruos
pīzadaleja arī #FKUpīte. Te vareja īzamuociet
gataviet
putniņus nu solmim i pīkariņus ar tradicionalejīm Baltkrīvejas tautas rokstīm,
kuo arī vareja pīzadaliet Baltkrīvejas tradicionālūs
muzikas instriumentu spieļuošonas meistardarbnīcuos.
Te video facebukā nu meistardarbnīcuom
Nūslāgumā kuo eipašī gosti folkloras kūpa "Upīte"kuopa uzastuot iz kulturas noma lyluos skaruves. Te beja cīši atsauceigi skatietoji i klausietoji, napuortraukti applaudej. Prīks!